Myunxenning «Bavariya» klubida to'p surayotgan 18 yoshli futbolchi Lennart Karl faoliyatining ilk bosqichida shunchalik tez ko'zga tashlangani uni uncha ajablantirmaganini aytdi. Bu haqda euro-football.ru xabar beradi.
Hujumkor yarim himoyachi joriy mavsumda bundesliga giganti safida muntazam ravishda maydonga tushib kelmoqda. 22 fevral kuni u 18 yoshni qarshi oldi.
«Ba'zan atrofimda bo'layotgan voqealarga o'zim ham hayron bo'lib qaradim, ammo ich-ichimdan buni uddalay olishimni bilardim. Ko'p mehnat qildim. Juda xursandman, lekin, albatta, o'sish uchun joy doim bor. Umid qilamanki, keyingi o'yinlarda ko'proq gol uraman va golli uzatmalar beraman, qolgan jihatlarda ham yanada kuchayaman», — deya Karlning Kicker nashriga bergan intervyusidan «Gazeta.Ru» iqtibos keltirdi.
«Bavariya» 28 fevral, shanba kuni Bundesligada safarda asosiy ta'qibchi — Dortmundning «Borussiya» jamoasiga qarshi bahs o'tkazadi.
“Zamin”ni Telegramʻda oʻqing!
