Osiyo Chempionlar ligasida “Shanghai Shenshua” yetti turdan so‘ng pley-offga chiqish imkoniyatini boy bergandi. 8-turda Leonid Slutskij jamoasi “Buriram United”ga qarshi hech bo‘lmasa turnir bilan munosib xayrlashishga urinib ko‘rdi, biroq buni uddalay olmadi. Bu haqda euro-football.ru xabar beradi.
Uchrashuv 0:2 hisobida “Buriram United” foydasiga hal bo‘ldi. Tailand klubi birinchi bo‘limning dastlabki daqiqalarida ikki bor darvozani ishg‘ol qildi: 11-daqiqada Gud Kertis, 22-daqiqada esa Suphanat Mueanta gol urdi. Oradan ko‘p o‘tmay “Shanghai Shenshua” bir futbolchisidan ayrilib, kamchilikda qolib ketdi va o‘yin taqdiri deyarli erta hal bo‘ldi.
Ma’lumot uchun, Leonid Slutskij “Shanghai Shenshua” bilan amaldagi shartnomaga ega: kelishuv 2027 yil oxirigacha mo‘ljallangan.
“Zamin”ni Telegramʻda oʻqing!
