«Inter» Chempionlar ligasida omadsiz chiqish qildi: milanliklar pley-off bosqichidayoq musobaqani tark etdi. Jamoa «Bude-Glimt»ga safarda 1:3, o‘z maydonida esa 1:2 hisobida yutqazdi. Bu haqda euro-football.ru xabar beradi.
Shunga qaramay, klub rahbariyati bosh murabbiy Kristian Kivuning ishidan mamnun. Jurnalist Nikolo Skira xabariga ko‘ra, Kivu «Inter» bilan shartnomasini uzaytirishga juda yaqin: yangi kelishuv 2028 yil o‘rtalarigacha mo‘ljallanadi va yana bir mavsumga uzaytirish bandini ham o‘z ichiga oladi.
Qayd etilishicha, hujjatlar imzolangach, Kivuning maoshi ham oshiriladi.
Kivu «Inter»ni o‘tgan yozda qabul qilib olgan. Hozir jamoa A Seriyada ishonchli peshqadam bo‘lib turibdi va ikkinchi o‘rindagi «Milan»ni 10 ochkoga ortda qoldirmoqda.
“Zamin”ni Telegramʻda oʻqing!
