Madridning “Real” klubi yozgi transferlar oynasida darvozabonlar chizigini kuchaytirish uchun yangi nomzod izlamoqda. Bu haqda euro-football.ru xabar beradi.
Jurnalist Xorxe Pikon bergan ma’lumotga ko‘ra, “qirollik klubi” Dortmundning “Borussiya” jamoasi posboni Gregor Kobelni sotib olish variantini ko‘rib chiqmoqda. Shveysariyalik darvozabon “Real”ning bu pozitsiya bo‘yicha asosiy maqsadi sifatida qayd etilmoqda.
Kobel 2021 yilda “Shtutgart”dan “Borussiya”ga 15 million yevroga ko‘chib o‘tgan. Uning amaldagi shartnomasi 2028 yil 30 iyungacha mo‘ljallangan. Joriy mavsumda u barcha turnirlarda 36 uchrashuvda maydonga tushib, 45 ta gol o‘tkazib yubordi va 14 o‘yinda darvozasini daxlsiz saqlab qoldi. Transfermarkt portali Kobelning bozor qiymatini 40 million yevroga baholamoqda.
“Zamin”ni Telegramʻda oʻqing!
