Ov vaqtida fojia: amerikalik millionerni fillar bosib oʻldirdi
Gabonning tropik o‘rmonlarida ov paytida 75 yoshli amerikalik millioner Erni Dozio fillar to‘dasi hujumi natijasida halok bo‘ldi. Ma’lum qilinishicha, tadbirkor va uning hamrohi kutilmaganda bolali fillarga duch kelgan va hayvonlar ularni xavf deb bilib, darhol hujumga o‘tgan. Millioner o‘zini himoya qilishga ulgurmagan, uning jarohatlangan hamrohi esa og‘ir jarohat olib omon qolgan. Hozirda AQSh elchixonasi marhumning jasadini Kaliforniyaga qaytarish masalasi bilan shug‘ullanmoqda.
Afrikaning Gabon hududida ov jarayonida 75 yoshli amerikalik millioner Erni Dozio fillar hujumi oqibatida halok boʻldi. Bu haqda Daily Mail gazetasi xabar tarqatdi.
Maʼlum boʻlishicha, tadbirkor tropik oʻrmon ichida tajribali ovchi hamrohligida boʻlgan. Ular kutilmagan holda yonida bolasi bor beshta urgʻochi fillar toʻdasiga duch kelgan.
Yovvoyi hayvonlar insonlarni xavf deb baholab, darhol hujumga oʻtgan. Dozioning sherigi yiqilib, jiddiy jarohat olgan va qurolini tushirib yuborgan. Millionerning oʻzi esa ov miltigʻi bilan qurollangan boʻlsa-da, oʻzini himoya qilishga ulgurmagan va fillar tomonidan bosib oʻldirilgan.
Ayni paytda marhumning jasadini Kaliforniyaga qaytarish masalasi bilan AQShning Gabondagi elchixonasi shugʻullanmoqda.
Mutaxassislar taʼkidlashicha, fillar odatda insonlarga kamdan-kam hollarda hujum qiladi. Biroq bunday voqealar asosan zich oʻrmonlarda kutilmagan toʻqnashuv paytida, ayniqsa toʻdada bolalari boʻlganida sodir boʻladi.
Shu bilan birga, Associated Press 18 aprel kuni Alyaskada AQShning ikki nafar harbiysi mashgʻulot poligonida ayiq bilan toʻqnashib, jarohat olganini xabar qilgandi. Qayd etilishicha, 16 aprel kuni oʻquv mashgʻulotlari davomida askarlarga ayiq hujum qilgan. Ular oʻzlarini himoya qilish uchun qalampir spreyidan foydalangan.
Izohlar 0
…