Osiyo Chempionlar Ligasi guruh bosqichida yetti turdan so‘ng «Shanxay Shenhxua» pley-off yo‘llanmasi uchun imkoniyatlarini boy berdi. Sakkizinchi turda «Buriram Yunayted»ga qarshi uchrashuv Leonid Slutskiy jamoasi uchun turnir bilan xayrlashish oldidan so‘nggi urinish edi, biroq «eshikni qarsillatib yopish» amalga oshmadi. Bu haqda euro-football.ru xabar beradi.
Uchrashuv 2:0 hisobida Tailand klubi foydasiga yakunlandi. «Buriram Yunayted» birinchi taym boshidayoq ikki bor raqib darvozasini ishg‘ol qilib, o‘yinning borishini keskin o‘zgartirdi. Oradan ko‘p o‘tmay «Shanxay Shenhxua» bir futbolchisidan ayrilib, maydonda kamchilikda qoldi va bu holat intriga deyarli yo‘qolishiga olib keldi.
Ma’lumot uchun, Leonid Slutskiyning «Shanxay Shenhxua» bilan amaldagi shartnomasi 2027 yil oxirigacha mo‘ljallangan.
“Zamin”ni Telegramʻda oʻqing!
