Fransiyaning “PSJ” klubi darvozaboni Matvey Safonov bo'sh vaqtida rus billiardi o'ynashni yoqtirishini aytdi. Bu haqda euro-football.ru xabar beradi.
Uning so'zlariga ko'ra, bu qiziqish “Krasnodar”dagi davridan boshlangan: jamoa bazasida billiard stoli bo'lib, futbolchilar mashg'ulotlardan so'ng bir-ikki partiya o'ynab turishardi.
Safonov Telegram kanalida yozishicha, hammasi uy yonidagi oddiy billiardxonaga do'stlar bilan borishdan boshlangan, keyin esa sezilmay haqiqiy mashg'ulotga aylanib ketgan: u o'z kiyasini ham olgan, hatto individual tarzda shug'ullanib ko'rgan.
Vaqt o'tib, darvozabon billiardni professional darajaga olib chiqmasdan, shunchaki xobbi sifatida qoldirishni ma'qul ko'rganini va o'yinini ataylab rivojlantirishni to'xtatganini ta'kidladi.
“Zamin”ni Telegramʻda oʻqing!
