2009 yil oktyabrida Qozonning «Rubin» klubi Chempionlar ligasida katta shov-shuv qilgan edi: jamoa «Kamp Nou»da «Barselona»ni 2:1 hisobida mag'lub etgandi. O'sha uchrashuvda maydonga tushgan sobiq yarim himoyachi Kristian Noboa bu g'alaba uchun berilgan mukofot pullarini eslab o'tdi. Bu haqda euro-football.ru xabar beradi.
Noboaning so'zlariga ko'ra, bu uning faoliyatidagi eng yirik premiyalar bo'lgan. «Har bir futbolchi 80 ming dollardan oldi», — deya uning fikrini «Sport-Ekspress» keltiradi.
Shuningdek, ekvadorlik futbolchi o'sha mablag'ga darhol yirik xarid qilmaganini, aksincha, pulni jamg'arganini ta'kidladi — o'sha paytning o'zida ham vazminroq yigit bo'lganini aytdi.
Eslatib o'tamiz, 2009/2010 yilgi mavsum Chempionlar ligasi guruh bosqichida «Rubin» o'z kvartetida uchinchi o'rinni egallagan. Guruhda «Barselona» va «Inter» yuqoriroqda yakunlagan, Kiyevning «Dinamo»si esa undan pastda qolgan.
“Zamin”ni Telegramʻda oʻqing!
