Madridning “Real” klubi bosh murabbiyi Alvaro Arbeloa Yevropa Chempionlar ligasida “Manchester Siti”ga qarshi bo'ladigan bahs oldidan o'z fikrlari bilan o'rtoqlashdi. Bu haqda euro-football.ru xabar beradi.
Mutaxassisning ta'kidlashicha, ikki ulkan klub to'qnashuvi muxlislarni zeriktirmaydi. Arbeloa “Real” ishqibozlari raqibning kuchi sabab bu uchrashuvni alohida qiziqish bilan kutayotganini aytib, jamoa hal qiluvchi pallaga kelib to'liq jangovar holatda bo'lishini bildirdi.
Eslatib o'tamiz, “Real” va “Manchester Siti” Chempionlar ligasining 1/8 finalida kuch sinashadi. Ilk o'yin 11 mart kuni Madridda, javob bahsi esa 17 mart kuni Manchesterda bo'lib o'tadi.
O'tgan mavsumda “qaymoqranglilar” “shaharliklar”ni pley-off bosqichida mag'lub etgandi: 3:2 va 3:1.
“Zamin”ni Telegramʻda oʻqing!
