Arsenal 20 yillik kutishdan so'ng Angliya Premer-ligasi chempionligini qo'lga kiritdi. Klub ushbu tarixiy voqeani nishonlash uchun afsonaviy murabbiy Arsene Wenger ishtirokidagi ta'sirli videorolikni taqdim etdi. 2004-yilda jamoani chempionlikka yetaklagan fransiyalik mutaxassis bu safar estafetani Mikel Artetaga topshirdi. Bu haqda Goal.com xabar beradi.
Manchester Siti jamoasining Bornmutga qarshi o'yindagi kutilmagan mag'lubiyati Arsenal uchun chempionlik yo'lini ochib berdi. Mikel Arteta shogirdlari turnir jadvalida yetakchilikni mustahkamlab, klub tarixidagi 14-chempionlikka erishdi. Bu natija Arteta uchun murabbiy sifatidagi ilk yirik g'alaba bo'ldi.
Klubning ijtimoiy tarmoqlardagi sahifalarida e'lon qilingan videoda Arsene Wenger joriy tarkib futbolchilariga murojaat qilib: "Siz buni uddaladingiz. Chempionlar boshqalar to'xtagan joyda ham harakatda davom etadi", deya ta'kidladi. Afsonaviy murabbiy o'z shogirdi Mikel Artetaning muvaffaqiyatini qadah ko'tarib nishonladi.
Video lavhalarda Declan Rice, Martin Odegaard kabi yetakchi futbolchilar va xursandchilik qilayotgan muxlislar aks etgan. "Bu g'alaba barchamizniki" shiori ostida tarqatilgan ushbu rolik klubning birligi va muxlislarning yillar davomidagi sadoqatini ifodalaydi. Arsenal nihoyat Angliya futboli cho'qqisiga qaytdi.
“Zamin”ni Telegramʻda oʻqing!
