O‘tgan yili Gary Neville Mikel Artetaning Arsenal klubidagi eng katta yutug‘i sifatida FA Cup g‘olibligini emas, balki jamoada ishdan bo‘shatilmay qolganini keltirib o‘tgan edi. O‘sha davrda ko‘pchilik murabbiylarga bunday uzoq muddatli sabr ko‘rsatilishi kamdan-kam holat deb hisoblanardi. Biroq klub rahbariyati ispaniyalik mutaxassisga bo‘lgan ishonchini yo‘qotmadi va transfer bozorida uni doimo qo‘llab-quvvatladi. Bu haqda Goal.com xabar beradi.
Manchester Sitining Bournemouthdan uchralgan mag‘lubiyati Arsenalning uzoq yillik chempionlik intizorligiga yakun yasadi. Arteta o‘z vaqtida "jarayonga ishonish" kerakligini va jamoani to‘g‘ri yo‘lga solish uchun vaqt talab etilishini aytgan edi. Garchi bu jarayon kutilganidan ko‘proq vaqt olgan bo‘lsa-da, murabbiy o‘z so‘zining ustidan chiqdi va klubdagi 22 yillik tanaffusga chek qo‘ydi.
Arteta jamoani qabul qilib olganida klub juda og‘ir ahvolda edi. Arsene Wenger davrining so‘nggi yillari va Unai Emeryning muvaffaqiyatsiz faoliyati muxlislarda umidsizlik uyg‘otgan edi. Arteta o‘zining ilk tashriflaridan birida Emirates stadionining yarmi bo‘sh qolganini ko‘rib, vaziyat naqadar ayanchli ekanligini anglaganini eslaydi.
Pandemiya davri va stadionlarning muxlislarsiz qolishi vaziyatni yanada murakkablashtirdi. Shunga qaramay, Arteta jamoani qayta qurish va o‘z falsafasini singdirish orqali Arsenalni yana Angliya Premer-ligasining yetakchi klubiga aylantira oldi. Bu muvaffaqiyat nafaqat klub rahbariyatining sabri, balki Artetaning qat’iyati va pragmatik yondashuvi natijasidir.
“Zamin”ni Telegramʻda oʻqing!
