Angliya Premer-ligasida chempionlik poygasi o‘z yakuniga yetdi. Arsenal va Manchester Siti o‘rtasidagi murosasiz kurash mavsumning ikkinchi yarmida keskin tus olgan bo‘lsa-da, yakunda Mikel Arteta shogirdlari 22 yillik tanaffusdan so‘ng chempionlik shohsupasiga ko‘tarilishdi. Bu haqda Goal.com xabar beradi.
So‘nggi uch mavsumda ikkinchi o‘rin bilan kifoyalangan Arsenal bu safar barqarorlik ko‘rsatdi. Garchi mavsum so‘ngida jamoaning imkoniyatlariga nisbatan shubhalar paydo bo‘lgan bo‘lsa-da, aprel oyidan buyon qayd etilgan ketma-ket to‘rtta g‘alaba London klubiga oltin medallarni taqdim etdi. Manchester Siti esa 19-may kuni Bornmut bilan durang o‘ynab, chempionlik imkoniyatini boy berdi.
Mavsumning eng muhim pallalaridan biri sentyabr oyida Emirates stadionida kechgan bahs bo‘ldi. Erling Xoland hisobni ochgan bo‘lsa-da, o‘yinning so‘nggi daqiqalarida Gabriel Martinelli tomonidan kiritilgan gol Arsenalga qimmatli bir ochkoni keltirdi va Manchester Siti uchun chempionlik yo‘lida jiddiy to‘siqqa aylandi.
Shuningdek, Liverpulning Kristal Pelasdan uchralgan mag‘lubiyati ham poyga manzarasini o‘zgartirib yubordi. Arsenal ushbu imkoniyatdan unumli foydalanib, turnir jadvalida o‘z mavqeini mustahkamlab oldi va yakunda Angliya taxtini egallashga muvaffaq bo‘ldi.
“Zamin”ni Telegramʻda oʻqing!
