Toshkentda o‘quv-mashg‘ulot yig‘inini boshlagan “Metallurg” klubi seleksiya ishlarini davom ettirmoqda. Ayni paytda bosh murabbiy Andrey Shipilov o‘zining uslubiga mos tushadigan futbolchilarni ko‘zdan kechirmoqda.
Sports.uz ma’lumotiga ko‘ra, jamoaga rossiyalik legioner qo‘shilgan. Aniqrog‘i, u muxlislarimizga yaxshi tanish bo‘lgan Yevgeniy Makeyev. Ayniqsa, uni Moskvaning “Spartak” jamoasidagi o‘yinlari orqali eslab qolgandik.
E’tiborlisi, Makeyev 10 yil davomida qizil-oqlar safida to‘p surgan va Rossiya chempioni bo‘lgan. “Spartak” bilan Yevropa Chempionlar ligasida ishtirok etgan. Qolaversa, Rossiya terma jamoasini Dik Advokat hamda Fabio Kapello boshqargan paytlarda Makeyev uch marta o‘rtoqlik uchrashuvlarida maydonga tushgan.
Bundan tashqari, 32 yoshli himoyachi “Rostov”, “Sochi”, “Rotor” hamda Armanistonning “Ararat” klublarida ham faoliyat yuritgan. Uning oxirgi jamoasi esa “Rosich” edi. Ajablanarlisi, bu klub Rossiya uchinchi divizionida ishtirok etadi.
Hozircha Makeyevning yangi mavsumni “Metallurg”da o‘tkazishi hal bo‘lganmi-yo‘qmi, bunisi qorong‘u. Lekin anig‘i shuki, u bekobodliklarning mashg‘ulotlarida ishtirok etyapti.
Shuningdek, tarkibga himoyachi Akbar Ismatullayev qo‘shildi. Yodingizda bo‘lsa, u o‘tgan mavsumda Tailandning "Buriram Yunayted" jamoasida to‘p surgan. Endilikda esa Ismatullayev yana sobiq klubiga qaytdi.
Eslatib o‘tamiz, "Metallurg" klubi ertaga "Paxtakor"ning yoshlar jamoasiga qarshi nazorat uchrashuvini o‘tkazadi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
AQSHning G‘azodagi siyosatidan norozi Davlat departamenti rasmiysi iste’foga chiqdi
Qaysi kundalik odatlar immunitet pasayishiga olib kelishini bilasizmi?
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Germaniyada maktab o‘quvchilari ommaviy ravishda islom dinini qabul qilmoqda