Huawei kompaniyasi o‘zining flagman smartfonlari — Pura 90 Pro va Pura 90 Pro Max modellari uchun HarmonyOS tizimining yirik yangilanishini taqdim etishga hozirlik ko‘rmoqda. Yangi dasturiy ta’minot sun’iy intellekt imkoniyatlarini kengaytirib, boshqaruv uchun qo‘shimcha imo-ishoralar va tasvirni qayta ishlashning ilg‘or vositalarini o‘z ichiga oladi. Bu haqda Ixbt.com xabar beradi.
Yangilanishning asosiy funksiyalaridan biri Celia Smart Shot bo‘lib, u foydalanuvchilarga Celia ovozli yordamchisi orqali kamerani boshqarish imkonini beradi. Endilikda smartfonga tegmasdan turib, suratga olish rejimlarini almashtirish, XMAGE parametrlarini sozlash va kadrlar muhrlash mumkin bo‘ladi.
Shuningdek, qurilmalar hujjatlarni intellektual tahrirlash funksiyasiga ega bo‘ladi. Bu tizim rasmiy qog‘ozlarning suratlaridagi xatoliklar va qiyshayishlarni avtomatik tarzda to‘g‘rilab beradi. Bundan tashqari, Huawei fotosuratlarni tahrirlash uchun yangi stikerlar va interaktiv 3D-fonlarni ham qo‘shmoqda.
Ekran qulfi uchun mo‘ljallangan animatsiyalarni faollashtirish yanada qiziqarli tus oladi: buning uchun smartfonni biroz silkitish yoki ekranda ikki barmoq bilan harakat qilish kifoya qiladi. Mazkur yangilanish may oyida foydalanuvchilar uchun ochiq bo‘lishi kutilmoqda.
“Zamin”ni Telegramʻda oʻqing!
