Xiaomi kompaniyasi Xitoy bozorida Mijia Mini Dual-Zone Washing and Drying Machine 1kg nomli yangi ixcham kir yuvish va quritish mashinasini namoyish qildi. Ushbu qurilma asosan ichki kiyimlar, paypoqlar, sochiqlar va bolalar kiyimlarini yuvish uchun mo‘ljallangan bo‘lib, o‘zining ikki barabanli konstruksiyasi bilan ajralib turadi. Bu haqda Ixbt.com xabar beradi.
Yangi model ikkita mustaqil yuvish zonasiga (har biri 0,5 kg) va ikkita quritish zonasiga (har biri 0,2 kg) ega. Bu yechim kiyimlarni turlariga ko‘ra ajratib yuvish va ularning o‘zaro ifloslanishining oldini olish imkonini beradi. Qurilma suvni alohida uzatish va chiqarib tashlash tizimlari bilan jihozlangan.
Gigiyena masalasiga alohida e’tibor qaratilgan: mashina 95 daraja haroratda yuvish va barabanni issiq bug‘ yordamida avtomatik tozalash funksiyalarini qo‘llab-quvvatlaydi. Shuningdek, qurilma real vaqt rejimida haroratni nazorat qiluvchi aqlli quritish tizimi bilan ta’minlangan.
Foydalanuvchilar uchun 23 xil yuvish dasturi mavjud bo‘lib, ularni Mi Home ilovasi orqali boshqarish mumkin. Qurilma HyperOS Smart Connect, Xiao Ai ovozli boshqaruvi va OTA yangilanishlarini qo‘llab-quvvatlaydi. Atigi 0,2 kvadrat metrdan kam joy egallaydigan ushbu mashina bir siklda 14 juft paypoq yoki 15 dona ichki kiyimni yuvishga qodir.
Qurilma hozirda 1499 yuan (taxminan 220 dollar) narxida oldindan buyurtma uchun ochiq, rasmiy savdolar esa 30-maydan boshlanadi.
“Zamin”ni Telegramʻda oʻqing!
