Xiaomi компанияси Хитой бозорида Mijia Mini Дуал-Зоне Вашинг анд Дрйинг Мачине 1кг номли янги ихчам кир ювиш ва қуритиш машинасини намойиш қилди. Ушбу қурилма асосан ички кийимлар, пайпоқлар, сочиқлар ва болалар кийимларини ювиш учун мўлжалланган бўлиб, ўзининг икки барабанли конструкцияси билан ажралиб туради. Бу ҳақда Ixbt.com хабар беради.
Янги модел иккита мустақил ювиш зонасига (ҳар бири 0,5 кг) ва иккита қуритиш зонасига (ҳар бири 0,2 кг) эга. Бу ечим кийимларни турларига кўра ажратиб ювиш ва уларнинг ўзаро ифлосланишининг олдини олиш имконини беради. Қурилма сувни алоҳида узатиш ва чиқариб ташлаш тизимлари билан жиҳозланган.
Гигиена масаласига алоҳида эътибор қаратилган: машина 95 даража ҳароратда ювиш ва барабанни иссиқ буғ ёрдамида автоматик тозалаш функцияларини қўллаб-қувватлайди. Шунингдек, қурилма реал вақт режимида ҳароратни назорат қилувчи ақлли қуритиш тизими билан таъминланган.
Фойдаланувчилар учун 23 хил ювиш дастури мавжуд бўлиб, уларни Mi Home иловаси орқали бошқариш мумкин. Қурилма HyperOS Смарт Коннект, Хиао Аи овозли бошқаруви ва ОТА янгиланишларини қўллаб-қувватлайди. Атиги 0,2 квадрат метрдан кам жой эгаллайдиган ушбу машина бир сиклда 14 жуфт пайпоқ ёки 15 дона ички кийимни ювишга қодир.
Қурилма ҳозирда 1499 юан (тахминан 220 доллар) нархида олдиндан буюртма учун очиқ, расмий савдолар эса 30-майдан бошланади.
“Zamin”ни Telegram'да ўқинг!
