Google oʻzining yillik Google I/O dasturchilar konferensiyasida Android CLI (command line interface) 1.0 barqaror versiyasini eʼlon qildi. Ushbu yangilik sunʼiy intellekt agentlari, jumladan Claude Code, OpenAI Codex yoki Gemini yordamida Android ilovalarini ishlab chiqish jarayonini sezilarli darajada tezlashtirishga qaratilgan. Bu haqda Techcrunch.com xabar beradi.
Kompaniya dasturchilar nafaqat Googleʼning oʻz vositalaridan, balki boshqa platformalardan ham foydalanayotganini inobatga oldi. Yangi CLI orqali AI agentlari Android Studio imkoniyatlaridan foydalangan holda loyihalarni yaratish va rivojlantirish uchun zarur boʻlgan bilimlarni toʻgʻridan-toʻgʻri olishlari mumkin.
Dasturchilar "android studio" buyrugʻi orqali tizimga murojaat qilib, Android ilovalarini ishlab chiqish boʻyicha chuqur maʼlumotlarga ega boʻlishadi. Bu jarayon agentlarga kod yozishdan tortib, murakkab vazifalarni avtomatlashtirishgacha boʻlgan keng qamrovli funksiyalarni taqdim etadi.
Shuningdek, Googleʼning agentli rivojlanish platformasi boʻlgan Antigravity ham Android CLI vositalari va bilimlar bazasini oʻz ichiga olgan maxsus toʻplam bilan boyitiladi. Bu esa sunʼiy intellektga Android ekotizimi uchun asosiy vazifalarni samarali bajarish imkonini beradi.
“Zamin”ni Telegramʻda oʻqing!
