Xiaomi kompaniyasi oʻzining massaj qurilmalari qatorini kengaytirib, Xitoyda noodatiy modulli konstruksiyaga ega boʻlgan Fascia Gun 3 modelini sotuvga chiqardi. Yangi gadjetning asosiy oʻziga xosligi ikki xil tutqichdan foydalanish imkoniyatidir: standart massaj uchun qisqa va orqa sohalarni hamda yetib borish qiyin boʻlgan mushaklarni mustaqil ravishda uqalash uchun moʻljallangan uzun tutqich. Bu haqda Ixbt.com xabar beradi.
Xiaomi Long-Handled Fascia Gun 3 aylanma mexanizmga ega boʻlgan yigʻiluvchi mahkamlagich bilan jihozlangan. Qurilma 12 kg gacha bosim kuchi va 6 mm gacha chuqurlikdagi taʼsirni taʼminlaydi, bu esa chuqur mushak qatlamlarini samarali ishlashga yordam beradi. Ishlab chiqaruvchi ushbu gadjet bir vaqtning oʻzida bir nechta turdagi massajyorlar oʻrnini bosishini taʼkidlamoqda.
Massajyor ichiga choʻtkasiz (brushless) motor oʻrnatilgan boʻlib, u 2 ta rejim va 3 xil tezlik darajasida ishlaydi. Shuningdek, qurilma oxirgi tanlangan sozlamani eslab qolish funksiyasiga ega. Qurilmaning ogʻirligi 680 grammni tashkil etadi, 1900 mAs sigʻimli akkumulyatori esa qisqa seanslar bilan 30 kungacha avtonom ishlashni taʼminlaydi.
Fascia Gun 3 korpusida bosim darajasini koʻrsatuvchi halqasimon indikator va turli xil almashtiriladigan nasadkalar mavjud. Hozirda ushbu yangi mahsulot Xitoy bozorida taxminan 45 dollar narxida sotilmoqda.
“Zamin”ni Telegramʻda oʻqing!
