Quyosh nuri saraton kasalligiga sabab bo‘lishi mumkin

Quyosh nurida yurish foydali, lekin ortiqcha quyosh teriga zarar yetkazishi mumkin. Shuning uchun mutaxassislar quyoshdan himoya qiluvchi krem ishlatishni tavsiya qilishadi.

SPF degan belgi ko‘pchilikka tushunarsiz tuyuladi. Aslida u kremning quyosh nurlarini qay darajada to‘sishini bildiradi. Masalan, SPF'ning 30-darajadagi krem nurlarni 97 foizgacha to‘sadi. Biroq kremni kun bo‘yi bir marta surish yetarli emas, uni 2 soatda bir yangilab turish kerak.

Quyosh nurlari ikki xil bo‘ladi: UVA va UVB. UVA nurlari – teriga chuqur kirib boradi. Ular terining qarishiga, ajin tushishiga va teri hujayralarining zarar ko‘rishiga olib keladi. Hattoki bulutli havoda ham ta’sir qiladi. UVB nurlari – ko‘proq teri ustida ishlaydi. U terining qizib kuyishiga sabab bo‘ladi va saraton xavfini oshiradi. Shu sababli quyoshdan himoya qiluvchi krem ishlatish eng to‘g‘ri yo‘ldir.

Ko‘pchilik soyada o‘tirsa, himoyalanganini o‘ylaydi. Lekin bu noto‘g‘ri. Chunki quyosh nuri qum, suv yoki asfaltga urilib, yana sizga qaytishi mumkin. Demak, soyada ham krem surtish zarur.

Mutaxassislarning fikricha, quyoshdan himoya qiluvchi krem D vitamini hosil bo‘lishiga to‘sqinlik qilmaydi. Aksincha, u teringizni himoya qiladi va salomatligingizni asrashga yordam beradi.