Qiz farzandlarning shaxs sifatida shakllanishida ona bilan bir qatorda otaning ham o‘rni beqiyos. Olimlar tadqiqotlariga ko‘ra, ayrim xususiyatlar qiz bolalarga otadan meros sifatida ko‘proq o‘tadi.
Ishonch va qat’iyat – Qiz bola o‘zini qay darajada ishonchli tutishi, qaror qabul qilishda qat’iyatli bo‘lishi ko‘pincha otasidan keladi.
Himoya hissi – Otasi mehribon va qo‘llab-quvvatlovchi muhitda o‘sgan qizlarda hayotiy sinovlarga chidamlilik, boshqalarni himoya qilishga moyillik kuchli bo‘ladi.
Irodaning mustahkamligi va xarakterning barqarorligi – Genetik jihatdan ayrim xarakter xislatlari, masalan, sabr-toqat va stressga chidamlilik, qizlarda otalik yo‘nalishi orqali ko‘proq aks etadi.
Hissiy barqarorlik – Tadqiqotlar ko‘rsatishicha, qiz bolaning erkaklarga nisbatan munosabati, ulardan nimani kutishi ham otasi bilan bo‘lgan bolalik munosabatlaridan shakllanadi.
Ya’ni, qiz farzandning kelajakdagi shaxsiyati, munosabatlari va hatto hayotiy tanlovlarida otaning roli juda katta. Shu bois, otalar qizlariga nafaqat moddiy, balki ma’naviy va ruhiy tayanch ham bo‘lishi muhim.
“Zamin”ni Telegramʻda oʻqing!
