“CAFA Nations Cup-2025” musobaqasida Turkmaniston milliy terma jamoasi birinchi bahsini Qirg‘izistonga qarshi o‘tkazdi. Bellashuvdan keyin bosh murabbiy Rovshan Meredov o‘yin haqidagi taassurotlari bilan bo‘lishdi.
“Juda qiziqarli va kurashlarga boy o‘yin kechdi. Birinchi bo‘lib gol kiritdik, ammo raqib juda tez hisobni tenglashtirdi. Har holda, hali ishlaydigan jihatlarimiz ko‘p. Keyingi o‘yinga qadar bir qator vaziyatlarni to‘g‘rilashimiz shart. Albatta, g‘alaba qozonish niyatimiz bor edi, imkoniyatlar yaratdik, lekin ulardan foydalana olmadik. Bu turnir biz uchun qaysi jihatlarni qo‘shishimiz kerakligini ko‘rsatmoqda. Oldinda Osiyo Kubogi saralash bahslari kutyapti”, — dedi Meredov.
Murabbiy shuningdek, raqib jamoa ustozi aytgan fikrlarga ham qo‘shilishini ta’kidladi:
“Rostdan ham maydonning holati to‘p bilan harakat qilishda ta’sir ko‘rsatdi. Biroq ikki jamoa ham bir xil sharoitda maydonga tushdi. Aslida, natija aniq — bugun g‘alaba qozona olmadik. Agar boshqa maydonda bo‘lganida, o‘yin butunlay boshqacha kechgan bo‘lardi. Ustunlik qaysi jamoa tomonida bo‘lishini aytib bo‘lmaydi”.
Maxsus ta’kidlash kerakki, Turkmaniston termasi musobaqaning ilk bahsida g‘alabaga erishmasa-da, kelgusi bahslar uchun muhim xulosalar chiqargani bilan muxlislarda umid uyg‘otdi.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
