Qirg‘iziston — Turkmaniston o‘yini haqida Urmat Abdukaimov fikrlari

"CAFA Nations Cup-2025" turniri doirasidagi ikki o‘yindan biri bo‘lgan Qirg‘iziston va Turkmaniston o‘rtasidagi uchrashuv 1:1 hisobi bilan yakunlandi. "Jar" stadionida o‘tgan ushbu o‘yindan so‘ng Qirg‘iziston terma jamoasi bosh murabbiyi Urmat Abdukaimov o‘z fikrlarini bildirdi.

Urmat Abdukaimov birinchi navbatda futbolchilarga o‘yin uchun minnatdorchilik bildirishni unutmadi. "Yigitlarga o‘yin uchun katta rahmat, lekin shuni aytishim kerakki, bugungi o‘yindagi harorat futbolni tezkor ko‘rsatishga to‘sqinlik qildi. Bu og‘irliklarga qaramay, biz ko‘proq o‘yinni nazorat qildik va vaziyatlar yaratdik. Ayrim vaziyatlarda esa aniqlik va omad yetishmadi", dedi u.

Bosh murabbiyning aytishicha, raqib standart vaziyatlarda yaxshi harakat qildi, lekin Qirg‘iziston termasi bunga tayyor edi. "Biz ularning standartlari uchun tayyor edik, lekin ular buni asosiy qurol sifatida ishlatishdi", deb qo‘shimcha qildi Abdukaimov.

Shuningdek, Urmat Abdukaimov maydonning yomon holatiga ham e’tibor qaratdi. "Aytganimdek tezkorlik kamlik qildi. Ikkinchidan maydon holati sifatli futbol ko‘rsatishga javob bermadi. To‘p sakrab ketaverdi. Bir tepar o‘ynashda muammolarga duch keldik", dedi u.

Har holda, Qirg‘iziston termasi bosh murabbiyi futbolchilarining harakatlariga baho berar ekan, yaxshi natijaga erishish uchun uzoq yo‘l boshlashganini ta’kidladi.