Qazg‘oq — bu bosh terisining ustidagi eski teri qatlamlarining ajralib tushishi holati bo‘lib, ko‘pincha yirik yoki mayda oq teri bo‘laklari shaklida kuzatiladi. Qazg‘oq kiyimga to‘kilganida noqulay estetik ko‘rinish yuzaga keltiradi.
Umumiy fikrga qarshi ravishda, qazg‘oq har doim ham shaxsiy gigiyenaga rioya qilmaslik natijasida paydo bo‘lmaydi. Aksar hollarda u terining qurishi, yog‘ bezlarining ishlashidagi buzilish yoki ba’zi kasalliklar oqibatida rivojlanadi.
Qazg‘oq turlari turlicha bo‘lib, uning sabablari ham shunga mos ravishda farq qiladi. Sabablar quyidagilar bo‘lishi mumkin: noto‘g‘ri tanlangan shampun, muvozanatsiz parhez, stress, agressiv kimyoviy vositalar, qattiq issiq yoki sovuq ob-havo.
Eng ko‘p tarqalgan sabablardan biri — seboreyali dermatit. Bu holatda yog‘ bezlari faoliyati buziladi, teri hujayralari tez ajraladi va bosh terisida mikroorganizmlar ko‘payishi kuzatiladi. Bunday holda maxsus shampunlar, teri vrachlari tomonidan belgilangan muolajalar tavsiya etiladi.
“Zamin”ni Telegramʻda oʻqing!
