Ўзбекистон Президенти Шавкат Мирзиёев томонидан халқаро «Келажак мероси» мукофотини таъсис этиш тўғрисидаги қарор имзоланди. Бу ҳақда Адлия вазирлиги матбуот хизмати маълум қилди.
Мазкур мукофот учун танловлар жорий йилдан бошлаб ҳар йили ўтказилиши режалаштирилган. Иштирокчилар етти йўналиш бўйича мукофот учун кураш олиб боришлари мумкин.
Ушбу йўналишлар орасида адабиёт, маданий мерос, театр ва кинематография каби соҳалар мавжуд. Ҳар бир йўналиш бўйича ғолиблар 10 минг АҚШ доллари миқдорида мукофот, шунингдек, диплом ва статуэтка билан тақдирланади.
Шу билан бирга, бу йил Бухорода бианнуал тадбири ўтказилмоқда. Ушбу маданий тадбир доирасида 70 та лойиҳа намойиш этилмоқда.
Унда маҳаллий ва хорижий мутахассислар иштирок этмоқда. Кўргазмалар Хўжа Гавкушон ансамбли ва Бухоронинг бошқа тарихий диққатга сазовор жойларида жойлаштирилган.
Меҳмон гуруҳидаги фойдаланувчилар ушбу мақолага изоҳ қолдира олмайди.
