2026 йил учун QS Asia University Rankings рейтингида Ўзбекистоннинг 23 та олий таълим муассасаси ўрин олди. Ушбу рейтингга кўра, Тошкент ирригация ва қишлоқ хўжалигини механизациялаш муҳандислари институти энг юқори натижани қайд этиб, Осиёда 103-ўринни 67,4 балл билан эгаллади.
Шунингдек, 200 талик рўйхатда Мирзо Улуғбек номидаги Ўзбекистон Миллий университети 180-ўринни, Тошкент давлат иқтисодиёт университети эса 274-ўринни банд этди. 500 талик ичида Тошкент давлат техника университети (301-ўрин) ва Самарқанд давлат университети (307-ўрин) ҳам бор.
Қолган олийгоҳлар, жумладан, ахборот технологиялари университетлари ҳамда Фарғона, Бухоро ва Урганчдаги минтақавий университетлар 550+ ва 1300 оралиғидаги ўринларни эгаллаган. Рейтингнинг мутлақ етакчиси яна Сингапур Миллий университети (NUS) бўлди.
Шунингдек, кучли ўнталикдан Гонконг, Хитой ва Жанубий Корея университетлари ўрин эгаллади.
