Ўзбекистон Президенти Шавкат Мирзиёев уй-жой ва ипотека бозорини барқарор ривожлантириш чоралари тўғрисидаги қарорни имзолади. Ушбу қарорга мувофиқ, Миллий қўмита ташкил этилади.
Қўмитанинг асосий вазифалари қаторига урбанизация ва уй-жой соҳасида давлат бошқаруви самарадорлигини ошириш киради. Уй-жой қурилиши ва соҳага ёрдам кўрсатишга оид норматив-ҳуқуқий ҳужжатлар лойиҳалари қўмита билан мажбурий тартибда келишилиши лозим.
Бу чоралар давлат ёрдами, Тошкент ва вилоят марказларида лойиҳаларни амалга ошириш, шунингдек, кўп қаватли уйлар, жумладан, "Янги Ўзбекистон" массивлари учун йиллик қурилиш режалари тасдиқланишига тааллуқли бўлади. Қўмитада 50 нафар ходим фаолият юритади.
Ташкилот ички ва халқаро мутахассисларни тўғридан-тўғри шартномалар асосида жалб қилиш ҳуқуқига эга. Қўмита фаолияти учун жавобгарлик унинг раисига юклатилган бўлиб, умумий назорат ва мувофиқлаштиришни Ўзбекистон Бош вазири Абдулла Арипов амалга оширади.
Меҳмон гуруҳидаги фойдаланувчилар ушбу мақолага изоҳ қолдира олмайди.
