Лондоннинг «Тоттенҳэм» клуби Томас Франк бошчилигида навбатдаги омадсизликка учради: «Астон Вилла»га қарши баҳсда 1:2 ҳисобида мағлуб бўлиб, Англия Кубоги мусобақасини тарк этди. Бу ҳақда euro-football.ru хабар беради.
Учрашувдан кейин маълум бўлишича, «шпорлар» Англия Кубогида бу қадар эрта — тўртинчи раундгача етиб бормасдан — сўнгги бор 2013/2014 мавсумида тўхтаган эди.
Жамоанинг Премьер-лигадаги ҳолати ҳам кўнгилдагидек эмас: клуб турнир жадвалининг қуйи қисмида қолиб кетган ва ҳозирча 14-ўринда бормоқда.
«Тоттенҳэм» Англия Кубогини охирги марта 1991 йилда ютган. Умуман олганда, лондонликлар бу совринни саккиз бор қўлга киритган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
