Ўзбекистон бош вазири ўринбосари Жамшид Хўжаев Жанубий Корея компанияларининг юртимиздаги йирик лойиҳаларда фаол иштирок этишини кутayotganини маълум қилди. Yonhap ахборот агентлиги хабарига кўра, Хўжаев ушбу фикрларни Жанубий Кореяга ташрифи давомида билдирди.
“Мен икки давлат ўртасидаги ҳамкорлик етказиб бериш занжирлари, қайта тикланувчи энергия манбалари, инфратузилма/транспорт ва ахборот технологиялари соҳаларида янада кенгайишига умид қиламан”, — деди Хўжаев. Унинг сўзларига кўра, бугунги кунда Ўзбекистонда 680 дан ортиқ ўзбек-корейс қўшма корхоналари фаолият кўрсатмоқда.
Шунингдек, мамлакатда амалга оширилаётган ислоҳотлар туфайли иқтисодиёт сўнгги саккиз йил ичида икки баробар ўсган. Маълум қилинишича, Жанубий Корея Тошкент шаҳрида янги халқаро аэропорт қурилишида иштирок этади.
Ушбу аэропортнинг 2029 йилда фойдаланишга топширилиши режалаштирилган. Бундан ташқари, Hyundai Rotem компанияси 198 миллион долларлик юқори тезликдаги поездларни етказиб беради ва ўзбекистонлик мутахассисларни ушбу поездларни бошқариш ва таъмирлаш бўйича ўқитади.
Икки давлат ўртасидаги савдо ҳажми ҳақида гапирадиган бўлсак, 2025 йил бошига келиб, бу кўрсаткич 1,4 миллиард АҚШ долларидан ошди. Жанубий Корея Ўзбекистоннинг асосий бешта савдо шериги қаторига киради.
Меҳмон гуруҳидаги фойдаланувчилар ушбу мақолага изоҳ қолдира олмайди.
