Англия чемпионатининг 23-тур дастури «Эвертон» ва «Лидс» учрашуви билан якунланди. Томонлар 90 дақиқада биттадан гол уриб, очколарни бўлишиб олишди. Бу ҳақда euro-football.ru хабар беради.
28-дақиқада меҳмонлар ҳисобни очди: Жейден Богл қанотдан жарима майдонига тўп узатди, Антон Стахнинг паст узатмаси эса узоқ устунда турган Жеймс Жастинга қулай келди. Ҳимоячининг кучли зарбаси дарвозадан жой олди — 0:1.
«Эвертон» жавоб голини излар экан, Калверт-Люин бир вазиятда бир тегинишда зарба берди, аммо тўп яқин устунга тегди. Яна бир эпизодда Жеймс Гарнернинг узатмасидан сўнг Тйерно Барри жарима майдони ичидан аниқ йўллаган зарбани дарвозабон сакраб қайтарди.
76-дақиқада мезбонлар барибир тенгликка эришди: Идрисса Гуэе қанотда тўпни олиб қолди ва курашда паст узатмани дарвоза олдига йўллади. Барри ҳимоячилардан илгарилаб, бир тегинишда тўпни дарвозанинг юқори қисмига йўналтирди — 1:1.
Учрашув сўнгида «Эвертон» ғалаба голига яқин келган вазият ҳам бўлди: Гарнер жарима майдонида тўпни ушлаб қолиб, ортга пас берди, Гуэенинг бир тегинишдаги зарбасидан кейин меҳмонларни тўсин қутқарди.
Дурангдан сўнг «Эвертон» турнир жадвалида 10-ўринда қолмоқда, «Лидс» эса 16-поғонада бормоқда.
“Zamin”ни Telegram'да ўқинг!
