2025 йилнинг январ—ноябрь ойларида Ўзбекистонда таълим олаётган хорижий фуқаролар сони 37,2 минг нафарга етди. Миллий статистика қўмитаси маълумотларига кўра, бу кўрсаткич ўтган йилнинг шу даврига нисбатан 54,3 фоизга ошган. Бу ҳақда kursiv.uz хабар беради.
Хорижлик талабалар орасида Ҳиндистон фуқаролари етакчилик қилди — 16,3 минг киши. Кейинги ўринларда Туркманистон (8,9 минг) ва Тожикистон (2,7 минг) қайд этилган.
Шунингдек, Ўзбекистонда ўқишга келганлар рўйхатида Покистон (1,7 минг) ҳамда Хитой (1,4 минг) фуқаролари ҳам юқори кўрсаткич билан тилга олинган.
Ўқиш учун фаол келаётган давлатлар қаторидан Жанубий Корея (870), Қирғизистон (823), Миср (737), Филиппин (501) ва АҚШ (464) ҳам бор.
Европа мамлакатлари ичида энг кўп талаба юборганлар — Буюк Британия (179), Россия (164) ва Италия (94). Топ-20 рўйхатидан Туркия, Афғонистон, Иордания, Жанубий Африка Республикаси, Эрон, Қозоғистон ва Бангладеш ҳам ўрин олган.
“Zamin”ни Telegram'да ўқинг!
