“Эл-юрт умиди” жамғармаси стипендиатлари Абдулазиз Вахабов ва Самандар Эркинов АҚШдаги Аризона университетини энг юқори натижалар билан якунлаб, академик ютуқлари учун олтин медаллар билан тақдирланди. Улар университетнинг энг сара битирувчилари қаторига киритилди.
Маълум қилинишича, Абдулазиз Вахабов ўқишни “Honors degree” даражасида тамомлаб, олийгоҳда “қизил диплом”га тенг ҳисобланадиган энг юқори академик мукофот — олтин медални қўлга киритган. Битирув маросимида у саҳнада миннатдорчилик сўзларини айтган ва Ўзбекистон раҳбариятига ҳам мурожаат қилган.
Eller College of Management битирувчиси Самандар Эркинов эса “Иқтисодиёт” йўналишида Economics Outstanding Senior — “йилнинг энг яхши битирувчиси” унвонига сазовор бўлган. У мазкур йўналишда жорий йилда берилган ягона медални олган ва маросимда меҳмонларни ўзбек тилида қутлаб, нутқ сўзлаган.
“Zamin”ни Telegram'да ўқинг!
