«Ўзгидромет»нинг маълум қилишича, Республиканинг шимолий ҳудудларида 12 март куни кечаси Россиянинг (Москва вилояти) Европа ҳудудлари устида шаклланган совуқ ва нам ҳаво массалари кириб келиши бошланади. Қорақалпоғистонда баъзи жойларда қор ёғади, шамол 17-22 метр/секундгача кучайиши кузатилади, айрим жойларда шамол кучайиши 23-28 метр/секундгача етади. Ҳаво ҳарорати кундузи 2-7 даража илиқдан ошмайди.
Ўзбекистоннинг қолган ҳудудларида баҳорий илиқ об-ҳаво сақланиб туради, куннинг ўртасига келиб, ҳаво ҳарорати 17-22 даража илиққача кўтарилади, бу меъёрдан 3-5 даражага юқори. Фақат жануби-ғарбий ҳудудларга Эрон ҳудудларидан нам ҳаво массалари кириб келиши бошланади. Бухоро, Навоий, Самарқанд, Қашқадарё вилоятларида кечга томон баъзи жойларда ёмғир ёғиши, момақалдироқ бўлиши мумкин.
13 март куни нам ҳаво массалари Ўзбекистоннинг барча ҳудудларига тарқалади. Республика ҳудудларининг кўп қисмида ёмғир ёғади, баъзи жойларда кучли бўлади. Фарғона водийсида фақат кечки соатларда ёмғир ёғиши мумкин. Ҳаво ҳарорати кечаси ва кундуз куни 10-15 даража илиқ атрофида бўлади. Шимолий ҳудудлар совуқ ҳаво таъсири остида бўлади. Қорақалпоғистоннинг баъзи жойларида бироз қор ёғиши мумкин, Хоразм вилоятида қор ёғади, баъзи жойларда кучли бўлиши мумкин. Ҳарорат шимолий ҳудудларда 3-8 даража совуққача пасаяди.
14 март куни республиканинг барча ҳудудлари совуқ антициклон таъсири остида бўлади. Марказий ва шарқий туманларда, асосан, қор кўринишидаги ёғингарчилик, баъзи жойларда кучли бўлади. Бухоро, Навоий, Қашқадарё, Сурхондарё вилоятларида фақат кечаси ва эрталабки соатларда ёғингарчилик бўлади. Шимолий ҳудудларда ёғингарчилик бўлиши эҳтимоли кам. Ҳаво ҳарорати кечаси ва кундуз куни 2 даража совуқ, -3 даража илиқ; шимолда кечаси 10-15 даража совуқ, кундуз куни 2-7 даража совуқ атрофида бўлади.
Республика ҳудудининг кўп қисмида 12—14 март кунлари шамол тезлиги 17-22 метр/секундгача кучайиши кутилмоқда, баъзида эса 23-28 метр/секундгача кучайиши мумкин.
15 март кечаси совуқ антициклон таъсири кучаяди, ҳаво ҳарорати 2-7 даража совуққача пасаяди. Кундуз куни эса ҳарорат кўтарила бошлайди ва 3-8 даража илиқни ташкил этади. Бу март ойи ўртаси учун меъёрий қийматлардан 8-10 даражага паст.
Қайд этилишича, қор ёғиши ва паст ҳарорат республика йўлларида яхмалак ҳосил бўлишига олиб келиши, тоғларда қор кўчкилари тушиши мумкин. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Зеленский Путин борасида баёнот берди: “Тинчликни истаганлар юзига тупурмоқда”
Диний қўмита Умра зиёратини ташкил қилиш учун 12 та турфирмага лицензия берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Путин Украинадаги объектга баллистик ракета зарбаси берилганини эълон қилди
