Аҳолига бепул дори воситалари рўйхати тасдиқланди
Соғлиқни сақлаш вазирлиги аҳолига бепул дори воситалари рўйхатини тасдиқлади, бу рўйхат 2027 йил 1 январдан кучга кириши белгиланган. Унда 69 турдаги дори воситалари, жумладан, онкологик, руҳий ва юрак-қон томир касалликлари учун препаратлар мавжуд. Беморлар шифокор томонидан тайинланган дори воситалари учун электрон рецепт орқали бепул олиш имконига эга бўлади. Дастур “реимбурсация” тамойили асосида амалга оширилади.
Соғлиқни сақлаш вазирининг буйруғи билан аҳолига бепул бериладиган дори воситалари рўйхати тасдиқланди. Мазкур ҳужжат 2027 йил 1 январдан кучга кириши белгиланган.
Маълум қилинишича, рўйхат Давлат тиббий суғурта жамғармаси билан келишилган. Унда турли касалликларни даволаш учун 69 турдаги дори воситалари қамраб олинган.
Жумладан, онкологик, руҳий, юрак-қон томир ва эндокрин касалликлар учун дори воситалари киритилган. Рўйхатдан Аспирин, Бисопролол, Омепразол, Трамадол, Амброксол, Калий йодид ва Гепарин каби препаратлар ўрин олган.
Маълумотларга кўра, ушбу дастур “реимбурсация” тамойили асосида амалга оширилади. Яъни, шифокор томонидан тайинланган дори воситалари харажатлари қоплаб берилади.
Бунда беморлар оилавий шифокор ёзган электрон рецепт орқали шартнома асосидаги дорихоналардан дориларни бепул олиш имконига эга бўлади.
Изоҳлар 0
…