Burger King болалар таомномасидан газли ичимликларни олиб ташлади » Ўзбекистон янгиликлари – Zamin.uz
11-03-2015 | 17:14 ZAMIN.UZ / Бизнес / 11 Март 2015 года
1 383

Burger King болалар таомномасидан газли ичимликларни олиб ташлади

Burger King болалар таомномасидан газли ичимликларни олиб ташлади

Burger King ресторанлар тармоғи болалар учун мўлжалланган таомномасидан спиртсиз газли ичимликларни олиб ташлади, деб хабар берди “Agence France-Presse” ахборот агентлиги.

«Биз болалар таомномасидан газли ичимликларни олиб ташладик, энди улар бу таомномаларда бошқа пайдо бўлмайди”, даб айтилмоқда компания хабарида.

Эндиликда Burger King’нинг болалар учун мўлжалланган барча таомномаларида олма шарбати, ёғсизлантирилган сут ёки ёғсиз шоколадли сут таклиф этилади.

“Сода ва бошқа ширин таъмли салқинлантирувчи ичимликлар қанд диабети касаллиги, кариес, ортиқча вазн тўплаш ва юрак касалликларининг пайдо бўлишига сабаб бўлади. Кичкина болаларга мўлжалланган овқатларда уларга ўрин бўлмаслиги керак. Биз Burger King’нинг бундай масъулиятли қарорини маъқуллаймиз ва уларнинг барча шохобчаларини бу қарордан ўрнак олишига чақирамиз”, деб компаниянинг ушбу ташаббусига изоҳ бериб ўтди Жамият манфаатлари йўлидаги фан маркази.

Маълумот учун, Burger King бутун дунё бўйлаб тарқалган 13 мингта ресторани ва савдо нуқталарида кунига 11 млн кишига хизмат кўрсатади.

Манба: www.kun.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru