O‘zbekiston Respublikasining saylangan Prezidenti Shavkat Mirziyoyev nomiga Rossiya Federasiyasi Prezidenti Vladimir Putin nomidan tabrik maktubi keldi. Unda shunday deyiladi:
O‘zbekiston Respublikasining
caylangan Prezidenti
Shavkat Mirziyoyev Janobi Oliylariga
Hurmatli Shavkat Miromonovich, O‘zbekiston Respublikasi Prezidenti lavozimiga saylanishingiz munosabati bilan samimiy qutlovlarimizni qabul qilgaysiz.
Saylovdagi ishonchli g‘alabangiz Sizning vatandoshlaringiz orasidagi yuksak obro‘-e’tiboringizdan, mamlakatni ijtimoiy-iqtisodiy rivojlantirishning dolzarb vazifalarini hal etishdagi xizmatlaringiz keng ko‘lamda e’tirof etilganidan dalolatdir.
Rossiyada Sizni davlatlarimiz o‘rtasidagi do‘stona munosabatlarni rivojlantirishning qat’iy tarafdori, deb biladilar. Ishonchim komilki, biz birgalikdagi sa’y-harakatlarimiz bilan ikki tomonlama strategik sheriklik va ittifoqchilikni bundan buyon ham mustahkamlab, mintaqaviy va xalqaro masalalarda konstruktiv hamkorlikni kengaytiraveramiz. Bu esa mamlakatlarimiz birodar xalqlarining tub manfaatlariga mos keladi, Markaziy Osiyoda hamda butun Mustaqil Davlatlar Hamdo‘stligi makonida barqarorlik va xavfsizlikni ta’minlash imkonini beradi.
Muhtaram Shavkat Miromonovich, Sizga chin qalbdan mustahkam sog‘lik, farovonlik va davlat rahbari sifatidagi g‘oyat mas’uliyatli faoliyatingizda muvaffaqiyatlar tilayman.
Fursatdan foydalanib, Sizni o‘zingiz uchun qulay vaqtda Rossiyaga tashrif buyurishga taklif qilaman.
Ehtirom bilan,
Vladimir Putin,
Rossiya Federasiyasi Prezidenti. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Amerikalik olimlar barcha uchun birdek foydali jismoniy faollik turini aniqladi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Rossiya dunyodagi birinchi vodorod yoqilg‘ili avtomobilni taqdim etdi