“Paxtakor” va “Olmaliq” jamoalari o‘rtasidagi Oliy liga 1-turidan o‘rin olgan uchrashuv o‘z nihoyasiga etdi. Unda 1:1 hisobida durang qayd etildi.
O‘yinni maydon egalari faol boshlashdi, deb bo‘lmaydi. Superkubok o‘yinida “Lokomotiv”dan qabul qilib olingan yirik mag‘lubiyat “Paxtakor”ga qattiq ta’sir qilgan ko‘rinadi. Bugun jamoaning o‘yini umuman o‘xshamadi. Shu bilan birga yangi mavsum arafasida tarkibni jiddiy kuchaytirgan “Olmaliq” birinchi bo‘limda juda yaxshi harakat qilib, nomdor raqibiga aslo yon bosgani yo‘q.
Ketma-ket hujumlar natijasida “Olmaliq” uchrashuvda hisobni ochishga muvaffaq bo‘ldi. Shavkat Salomovning chap qanotdan oshirib bergan uzatmasini Zohir Pirimov chiroyli tarzda darvozaga joylab qo‘ydi. Pirimov – 2015 yilgi mavsumdagi ilk gol muallifi bo‘lganini ham ta’kidlab o‘tish zarur.
Birinchi bo‘limda boshqa gol kiritilmadi.
Ikkinchi bo‘limda “Olmaliq” jamoasi qarshi hujumga tayanib o‘ynadi. “Paxtakor” futbolchilari raqib himoya chizig‘ini yorib o‘tishda ancha qiyinchilikka duch keldilar. Ammo oxir oqibat Igor Sergeev o‘z niyatiga etdi. 88-daqiqada to‘p yon chiziqdan jarima maydonchasi ichiga tashlab berildi. Himoyachilarning xatosidan foydalangan Sergeev chap oyoqda Xonimqulov darvozasini ishg‘ol qila oldi. Ammo bu o‘yindagi so‘nggi gol bo‘ldi.
Shu tariqa uchrashuv 1:1 hisobidagi durang bilan o‘z yakuniga etdi.
Oliy liga, 1-tur
"Paxtakor" - "Olmaliq" — 1:1
Gol: I.Sergeev (88) - Z.Pirimov (36)
"Paxtakor": Lobanov, Merzlyakov, Krimes, Oraxovas, Hoshimov, Ismatullaev, Maxaradze, Kozak, Andreev, Karimov, Sergeev
"Olmaliq": Xonimqulov, Sahob Jo‘raev, Gogol, Kashkaval, Inomov, Quttiboyev, Omonov, Salomov, Pirimov, Murzoyev, Yovanovich.
Manba: www.uff.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Ortiqcha vaznli insonlar uchun sog‘lom ovqatlanishning beshta muhim qoidasi
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi