Константинов: “Киев яқинда тинчлик сўрайди, лекин унинг шартлари Россияга мос келиши даргумон”

^{Фото: РИА}
Қрим парламенти раҳбари Владимир Константиновнинг Украина тез орада тинчлик сўраши, бироқ унинг шартлари Россияга тўғри келмаслиги мумкинлигини айтди, дея “РИА Новости” хабар берди.

"Менинг фикримча, яқин келажакда Украина тинчлик сўрайди. Лекин бу бизга керакли, мос келадиган тинчлик эмас. Бизга Россия хавфсизлигини кафолатлайдиган тинчлик керак. Бизнинг президент буни аниқ таъкидлаган", — деди Константинов “РИА Новости”га.

Унинг сўзларига кўра, ҳозирги Киев режими ҳеч қандай хавфсизлик кафолатларини таъминлай олмайди.

"Улар фақат Минск келишувларининг янги нусхаларини ишлаб чиқаришга, шартномаларни бирин-кетин имзолашга қодир. Улар шартларга риоя қилмоқчи эмаслиги аниқ. Лекин биз барча қонун ва мажбуриятларга амал қиламиз. Агар бизнинг “шерикларимиз” ўз зиммасидаги мажбуриятларига ўзларини масъул деб ҳисобламаса, нега биз улар билан алоқа қилишимиз керак?" – дейди парламент раҳбари.

Унинг фикрича, Украинадаги тинчлик Белгород, Брянск, Воронеж, Қрим, Херсон, Запорожье ва Донбасс хавфсизлигини кафолатлайдиган Россия ғалабасига асосланган бўлиши керак. Константинов рус дунёсининг бир қисми сифатида миллатчи одамлар керак эмаслигини айтган. У Киев режими Россия учун хавфлилигини, агар бунга чора кўрилмаса, у қайта-қайта ўзини намоён қилишини таъкидлаган.

Шунингдек, парламент раҳбари Киев режими вакили бўлган ҳар бир кишини ҳокимиятдан четлатиш кераклигини қўшимча қилган. “Замин” янгиликларини “Одноклассники”да кузатиб боринг