Шанхай ҳамкорлик ташкилоти (ШҲТ) Евроосиё минтақасида тинчлик ва барқарорлик кафолати бўлиш учун фавқулодда катта имкониятларга эга. Бу ҳақда Қозоғистон президенти Қосим-Жўмарт Тўқаев 4 июль куни Остона шаҳрида бўлиб ўтган ШҲТ Давлат раҳбарлари кенгаши мажлисидаги нутқида гапирди.
«Бугун юзага келган мураккаб вазият кўп жиҳатдан халқаро муносабатлар тизимининг кучли инқирози оқибатидир. Бу вазиятда халқаро ҳуқуқ бўҳронининг олдини олиш, геосиёсий дарзларга йўл қўймаслик ва глобал миқёсда тинчлик ва барқарорликни мустаҳкамлаш учун ШҲТ ислоҳ этувчилик ва бунёдкорлик ролини янада кучайтириши керак», – деди Қ.Тўқаев.
Айни пайтда ШҲТ маконида 3 миллиарддан зиёд аҳоли яшамоқда. Жаҳон ЯИМнинг учдан бир қисми ташкилотга аъзо давлатлар ҳиссасига тўғри келмоқда. Қозоғистон раҳбари ташкилотнинг савдо-иқтисодий жабҳадаги салоҳиятидан ҳам унумли фойдаланишга чақирди.
«Жаҳон банки маълумотларига кўра, бу йил глобал иқтисодиётнинг ўсиш мароми сусаяди. Дунё иқтисодиёти янги ўсиш нуқталари ва тараққиётнинг буткул янги парадигмаларига муҳтож экани кундек равшан. Шу боис ҳам савдо-иқтисодий ҳамкорликни кенгайтириш, капитал ва технологияларнинг эркин ҳаракати учун шарт-шароит яратиш, иқлим ўзгариши муаммоларига қарши курашиш ШҲТнинг муҳим вазифалари бўлмоғи лозим», – деди сиёсатчи.
Расмий Остонанинг ШҲТга раислиги ҳақида гапирган Қ.Тўқаев ушбу муддат ичида турли даражада 150 та тадбир ўтказилгани, ташкилот доирасида 60 та янги ҳужжат қабул қилинганини қайд этган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Иммунитетни кўтариш учун 6 та энг яхши витамин
НАТО собиқ қўмондони: “Путин Украинанинг тахминан 20 фоизини қўлга киритади”
Украина ҚК бош қўмондони: “Фронтдаги вазият мураккаб ва кескинлашиши мумкин”
Томошабинлар нафратига учраган, саратонни енгган турк актрисаси — Ваҳиде Перчиннинг мураккаб тақдири
Россия Курск вилоятидаги ҳудудларини қайтариб олишга 50 минг ҳарбий тўплади
АҚШ Исроилга пули тўланган бульдозерларни бермади
Фронтдаги вазият: Россия ҳарбийлари Курск областида қарши ҳужумга тайёрланмоқда
Трампнинг ўғли Зеленский яқин орада «нафақадан» маҳрум бўлишини ёзди
