Shanxay hamkorlik tashkiloti (SHHT) Yevroosiyo mintaqasida tinchlik va barqarorlik kafolati bo‘lish uchun favqulodda katta imkoniyatlarga ega. Bu haqda Qozog‘iston prezidenti Qosim-Jo‘mart To‘qayev 4 iyul kuni Ostona shahrida bo‘lib o‘tgan SHHT Davlat rahbarlari kengashi majlisidagi nutqida gapirdi.
«Bugun yuzaga kelgan murakkab vaziyat ko‘p jihatdan xalqaro munosabatlar tizimining kuchli inqirozi oqibatidir. Bu vaziyatda xalqaro huquq bo‘hronining oldini olish, geosiyosiy darzlarga yo‘l qo‘ymaslik va global miqyosda tinchlik va barqarorlikni mustahkamlash uchun SHHT isloh etuvchilik va bunyodkorlik rolini yanada kuchaytirishi kerak», – dedi Q.To‘qayev.
Ayni paytda SHHT makonida 3 milliarddan ziyod aholi yashamoqda. Jahon YAIMning uchdan bir qismi tashkilotga a’zo davlatlar hissasiga to‘g‘ri kelmoqda. Qozog‘iston rahbari tashkilotning savdo-iqtisodiy jabhadagi salohiyatidan ham unumli foydalanishga chaqirdi.
«Jahon banki ma’lumotlariga ko‘ra, bu yil global iqtisodiyotning o‘sish maromi susayadi. Dunyo iqtisodiyoti yangi o‘sish nuqtalari va taraqqiyotning butkul yangi paradigmalariga muhtoj ekani kundek ravshan. Shu bois ham savdo-iqtisodiy hamkorlikni kengaytirish, kapital va texnologiyalarning erkin harakati uchun shart-sharoit yaratish, iqlim o‘zgarishi muammolariga qarshi kurashish SHHTning muhim vazifalari bo‘lmog‘i lozim», – dedi siyosatchi.
Rasmiy Ostonaning SHHTga raisligi haqida gapirgan Q.To‘qayev ushbu muddat ichida turli darajada 150 ta tadbir o‘tkazilgani, tashkilot doirasida 60 ta yangi hujjat qabul qilinganini qayd etgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
