Профессионал бокснинг супер ўрта (-76,2 кг) вазн тоифасида рингга чиқаётган ўзбекистонлик Бектемир Мелиқўзиев (4-0, 3 КО) 14 февраль (Тошкент вақти билан 15 февраль тонгида) куни навбатдаги жангини ўтказиши ҳақида хабар бергандик. Спортчининг хабар беришича, жангга бир кун қолганида рақиб ўзгарган.
Маълум бўлишича, томонлар жанг чемпионлик камари учун кечишини ҳисобга олиб, супер ўрта вазн, яъни 76,2 кгдан оширмаган ҳолда вазн ўлчаш маросимидан ўтиш бўйича келишиб олишган, аммо жангга яқин етарлича вазн ташлай олмаган Марко Антонио Перибан керакли вазнга тушиш учун ортиқча уриниб юборган ва тарозига чиқишдан олдин ўзини ёмон ҳис қилиб, шифохонага тушиб қолган.
Бектемирнинг менежерлари унинг узоқ вақтдан буён жангга тайёргарлик кўрганини ҳисобга олиб, бокс оқшоми ташкилотчиси Оскар де ла Ҳойя ва GoldenBoy промоутерлик компаниясига исталган бошқа рақибни (175 фут, 168 фут вазнлардан) топиб беришларини сўраган. Натижада шу вақтга қадар ўрта вазнда фаолият олиб бораётган мексикалик боксчи Оскар Кортес (27-5, 14 КО) Бектемирга қарши рингга чиқишга рози бўлган.
Жанг комиссияси жанг ўтказилишига рухсат бериши кутилмоқда. Маълумот учун, Бектемир вазн ўлчаш маросимида 167,4 фут (75,9 кг) тош босган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Иммунитетни кўтариш учун 6 та энг яхши витамин
НАТО собиқ қўмондони: “Путин Украинанинг тахминан 20 фоизини қўлга киритади”
Украина ҚК бош қўмондони: “Фронтдаги вазият мураккаб ва кескинлашиши мумкин”
Томошабинлар нафратига учраган, саратонни енгган турк актрисаси — Ваҳиде Перчиннинг мураккаб тақдири
Россия Курск вилоятидаги ҳудудларини қайтариб олишга 50 минг ҳарбий тўплади
АҚШ Исроилга пули тўланган бульдозерларни бермади
Фронтдаги вазият: Россия ҳарбийлари Курск областида қарши ҳужумга тайёрланмоқда
Трампнинг ўғли Зеленский яқин орада «нафақадан» маҳрум бўлишини ёзди
