Йўл ҳаракати қоидаларига ўзгартиришлар киритилди

  • Авто
  • 24-05-2018, 12:23
  • 2 833
  • Йўл ҳаракати қоидаларига ўзгартиришлар киритилди
    Ўзбекистон шаҳар ва қишлоқларида транспорт ҳаракатининг чекланган энг юқори тезлигини 70 км/с дан 60 км/с га тушириш таклифи тасдиқланмади.

    Вазирлар Маҳкамасининг 19 майдаги қарори билан тасдиқланган 2018−2022 йилларда мамлакатда Йўл ҳаракати хавфсизлигини таъминлаш концепциясини амалга ошириш бўйича «Йўл харитаси"да бундай банд йўқ.

    Адлия вазирлиги «Газета.uz"га тақдим этган ҳужжатда йўллардаги тезлик режими вилоятлар ҳокимлари ва Қорақалпоғистон Республикаси Вазирлар кенгаши раиси қарори билан уларнинг ўзига хослиги инобатга олинган ҳолда ўрнатилади.

    Йўл ҳаракати қоидаларига автотранспорт воситаларига болалар ушлаб турувчи ускуналаридан фойдаланиш бўйича талаб ҳам киритилди (уларни ишлаб чиқаришни маҳаллийлаштириш белгиланган).

    Бундан ташқари, ЙҲҚ енгил ва юк машиналарига кундузги юриш чироқларидан мажбурий фойдаланиш талаби билан тўлдирилди. Мақсад — куннинг ёруғ кунларида ҳаракатдаги транспорт воситаларини кўриш даражасини оширишдан иборат бўлиб, у БМТ Европа иқтисодий комиссиясининг 2011 йилги 87-қоидалари талабига мувофиқ келади.

    Юқоридаги каби ўзгаришларни жорий этиш тўғрисидаги ҳукумат қарори йил охиригача қабул қилиниши зарур.

    » » Йўл ҳаракати қоидаларига ўзгартиришлар киритилди
    Яндекс.Метрика