Фото: Reuters
БМТ Хавфсизлик кенгаши Ғазо секторида зудлик билан ўт очишни тўхтатиш бўйича ассоциациянинг ўн нафар доимий бўлмаган аъзоси томонидан тайёрланган резолюцияни кўриб чиқди.
Ҳужжатни қабул қилиш учун Хавфсизлик кенгашининг 15 аъзосидан 14 нафари овоз берди. Аммо АҚШ кетма-кет бешинчи марта резолюцияга вето қўйди. Йиғилишдаги АҚШ вакилининг тушунтиришича, Америка томони резолюцияда гаровга олинганларни озод қилиш талаби йўқлиги сабабли уни рад этган.
“АҚШ БМТ кенгаши яна шундай вазиятга тушиб қолганидан чуқур афсусда. Биз бу натижага йўл қўймаслик учун кўп ҳафталар давомида виждонан ишладик. Ўт очишни тўхтатиш гаровга олинганларни озод қилиш билан бирга амалга оширилмаса, биз бундай резолюцияни қўллаб-қувватлай олмаймиз”, деди Америка делегациясининг учрашувдаги вакили.
Унинг сўзларига кўра, гаровга олинганларни озод қилиш ва Ғазо секторида ўт очишни тўхтатиш мақсадлари бир-бири билан чамбарчас боғлиқ.
“Исроиллик асирлар озод қилинмасдан анклавдаги урушни тугатиш ‘ҲАМАС ҳаракати учун музокаралар столига келмаслик’ ва ‘халқаро ҳамжамиятни террор қилишда давом этиш’ учун хавфли сигнал бўлади”, деди у. АҚШнинг етти нафар фуқароси 400 кундан ортиқ вақтдан бери ҲАМАС томонидан гаровда сақланмоқда.
Фото: Un.news
Резолюция лойиҳаси Жазоир, Эквадор, Гайана, Япония, Малта, Мозамбик, Жанубий Корея, Словения, Сьерра-Леоне ва Швейцария томонидан тайёрланган. Қарор матни бир кун аввал Х ижтимоий тармоғида исроиллик журналист Барак Равид томонидан эълон қилинган.
Матннинг биринчи банди зудлик билан ўт очишни тўхтатишни ва ҳар икки томоннинг гаровга олинганларни (яъни, фаластинлик маҳбусларни ҳам) озод қилишни талаб қилади. Шу билан бирга, резолюциянинг биринчи банди матни Ғазо секторидаги гаровга олинганлар ўт очишни тўхтатиш билан бир вақтда озод этилишини англатмайди. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ким Чен Ин ҳарбийларни жанговар ҳолатда туришга чақирди
Омега-3 қандай қилиб озишга ёрдам беради?
Тюмен областига Ўзбекистондан меҳнат мигрантлари ишга жалб қилинади
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
Глобал очлик ва қашшоқликка қарши кураш алянсига 82 мамлакат аъзо бўлди
Рашида Толиб Конгресс аъзоларига «аччиқ ҳақиқат»нинг суратини кўрсатди
КХДР Россияга 100 минггача ҳарбий юбориши мумкин
Ижтимоий тармоқлар даврида руҳий саломатликни қандай сақлаш мумкин?
