Японияда кучли зилзила содир бўлди

^{Фото: РИА Новости}
Жорий йил 13 январ куни Япония жануби-ғарбида 6,6 магнитудали зилзила юз берди. Бу ҳақда мамлакат метеорология агентлиги маълум қилди.

Зилзила Миядзаки, Синтоми ва Таканабэ префектураларини қамраб олган, унинг маркази денгизнинг Кюсю ороли соҳилига яқин қисмида, 36 км чуқурликда жойлашган.

^{Зилзила харитаси.}
Ер қимирлаши оқибатида жароҳатланганлар ёки бузилишлар бўлгани ҳақида хабар келиб тушмаган. Фақат Миядзаки ва Коти префектуралари яқинида баландлиги 20 сантиметрга яқин кичик цунами кузатилган.

Ҳодиса сабабли Кюсю оролидан ўтувчи юқори тезликли темир йўлда қатнов вақтинча тўхтатилди. Маҳаллий АЭСларда меъёрдан четга чиқиш кузатилмади. “Замин” янгиликларини “Telegram”да кузатиб боринг