Машҳур нумерологдан даҳшатли башорат: АҚШ парчаланади, Украина бўлинади

Жаҳондаги сиёсий ва геосиёсий ўзгаришлар фонида яна бир ҳайратланарли башорат жамоатчилик эътиборини тортди. Математика ва нумерология соҳасидаги мутахассис сифатида танилган Сидик Афғон 2025 йил учун кескин ва оғир башоратларини эълон қилди.

Сидик Афғон бугача СССР парчаланиши ва 11 сентябрь терактларини олдиндан айтгани билан ном қозонган. Унинг ўзига хос прогноз усули кўпчилик томонидан шубҳа билан қабул қилинса-да, у сиёсатчиларга муҳим қарорлар қабул қилишда кўп бор ёрдам берганини таъкидлайди.

РИА Новости агентлиги тарқатган маълумотларга кўра, Афғон бу сафар дунё сиёсий харитасининг мутлақ ўзгариши ҳақида гапирмоқда. Унинг таъкидлашича, Қўшма Штатларда инқироз ёқасига келиб қолган тузум ёрилиб кетиши мумкин. Афғон ҳатто Дональд Трампни АҚШ тарихидаги охирги президент бўлиши мумкинлигини айтади. Унинг прогнозига кўра, бу мамлакатдаги барқарорлик мутлақ йўқолишига олиб келади.

Бундан ташқари, Афғон номуайян, лекин жуда таъсирли «махфий қўмита» дунё аҳолисини қисқартиришни режалаштираётганини ва бу ҳақиқат яқин орада фош бўлишини башорат қилмоқда.

Математикнинг яна бир эътиборга молик тахмини — Украина тақдири билан боғлиқ. Унга кўра, 2028 йилга келиб Украина учга бўлиниб кетади: жануби-шарқий ҳудудлар Россия таркибига қўшилиши, ғарбий вилоятлар Польша, Венгрия ва Руминия билан бирлашиши мумкин. Марказий қисм эса Украина номи остида қолади.

Россияга келсак, Афғон 2065 йилгача бўлган даврни кўра олишини айтган. Унинг сўзларига қараганда, 2022–2025 йиллар оралиғида Совет Иттифоқи таркибидан чиққан бир қатор давлатлар, шунингдек, бошқа мамлакатлар иштирокида янги сиёсий-иқтисодий иттифоқ шакллана бошлайди. Бу иттифоқнинг маркази Москва эмас, балки Чернигов шаҳри бўлади. Бу жараёнда 1972 йилда туғилган янги етакчи Россия бошчилигига келади, деб башорат қилган олим.

Шунингдек, у Россияда таълим тизими тубдан ислоҳ қилинишини ва 2035 йилгача янги коронавирус тўлқини эҳтимоли мавжудлигини таъкидлаган.

Афғон 2025 йилни “инсоният тарихи учун бурилиш нуқтаси” деб атади. Унинг прогнозларида сунъий интеллект билан боғлиқ глобал можаролар, экологик фалокатлар ва ахборот урушига ўхшаш мураккаб сценарийлар ҳам акс этган.

Ҳар қанча ғалати ва фантастик туюлмасин, Афғоннинг аввалги айрим башоратлари рўй берганини инобатга олсак, бу галги даъволар ҳам жамоатчиликда қизғин муҳокамаларга сабаб бўлиши аниқ. Айниқса, геосиёсий нотинчлик авж олган бир пайтда бундай прогнозлар нафақат қизиқиш, балки хавотир ҳам уйғотиши турган гап.