Пентагон рақамларни яширяптими: Эрон кескин айблов қилди
Эрон ташқи ишлар вазири Аббос Ароқчи АҚШни Эронга қарши операциялар харажатлари бўйича нотўғри маълумот тақдим этишда айблади. Унинг таъкидлашича, Пентагон операциялар учун сарфланган маблағни 25 миллиард доллар деб баҳолаган бўлса, аслида бу рақам 100 миллиард долларни ташкил этади. Ароқчи, Исроил бош вазири Нетаньяхунинг қарорлари АҚШ учун катта молиявий йўқотишларга сабаб бўлганини ҳам таъкидлади.
Эрон ташқи ишлар вазири Аббос Ароқчи АҚШни Эронга қарши амалга оширилган операция харажатлари бўйича нотўғри маълумот тақдим этаётганликда айблади. Унинг таъкидлашича, Вашингтон бу операция учун сарфланган маблағни анча камайтириб кўрсатмоқда.
Вазирнинг сўзларига кўра, АҚШнинг Эронга қарши ҳаракатлари аслида 100 миллиард долларга тушган. Бироқ Пентагон ушбу харажатларни фақат 25 миллиард доллар атрофида деб баҳолаган. Бу эса расмий маълумотлар билан ҳақиқий сарф-харажатлар ўртасида катта фарқ борлигини кўрсатади.
Аббос Ароқчи бу ҳолатни танқид қилар экан, айниқса Исроил бош вазири Биньямин Нетаньяхунинг қарорларига алоҳида урғу берди. Унинг фикрича, Нетаньяхунинг хавфли ва шошма-шошарлик билан қабул қилинган қарорлари АҚШ учун кутилгандан анча катта молиявий йўқотишларга сабаб бўлган.
“Нетаньяхунинг ўйламай қилинган таваккалчилиги Америкага расман билдирилганидан тўрт баравар кўпроқ зарар етказди”, — деди Эрон ТИВ раҳбари.
Изоҳлар 0
…