Россия нефти экспорти сўнгги икки йил ичида энг юқори кўрсаткичга чиқди. Bloomberg агентлиги маълумотига кўра, танкерлардан нефть тушириш жараёнидаги кечикишлар туфайли етказиб берилаётган хомашё захиралари тўғридан-тўғри кемаларнинг ўзида жамланиб қолмоқда.
Хусусан, 21 декабрь ҳолатига кўра, сўнгги тўрт ҳафтада Россиядан кунлик ўртача нефть экспорти ҳажми 3,87 миллион баррелни ташкил этган. Бу кўрсаткич 2023 йил май ойидан буён қайд этилган энг юқори даража ҳисобланади.
Шу билан бирга, йўлда бўлган танкерлар бортидаги нефть ҳажми август ойи охиридан бери кескин ошган. Маълумотларга кўра, бу кўрсаткич 48 фоизга ўсиб, 185 миллион баррелга етган.
Агентликнинг қўшимча қилишича, Россия нефти ортилган камида 20 дан ортиқ танкер ҳозирда Хитой ва Ҳиндистон портларига кириш учун рухсат кутиб турибди. Бу ҳолат жаҳон нефть логистикасидаги тирбандлик янада кучайганини кўрсатмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
