Дунёнинг энг бадавлат инсонларидан бири – мексикалик Карлос Слимнинг Operadora Cicsa компанияси Мехико аэропортининг янги биносини қуриш учун ўтказилган тендерда ғалаба қозонган консорциум таркибига кирди.
Слим компанияси тендер якунига кўра, Мексиканинг ICA фирмаси билан биргаликда тахминан 4 миллиард АҚШ долларилик шартнома таклиф этган. Консорциумга мексикалик бошқа таниқли ишбилармонлар - Олегарио Васкес, Карлос Ханк Рон, Иполито Хехард ва бошқаларнинг корхоналари ҳам киради.
Слимнинг асосий бизнеси Мексика ва Лотин Америкаси мамлакатлари телекоммуникациялар бозори билан боғлиқ. Ишбилармон America Movil, Telcel ва Telmex компанияларидан ташқари, Мексикадаги йирик компанияларни назорат қилувчи Grupo Carso’га ҳам эгалик қилади. Forbes маълумотларига кўра, Слим дунёдаги энг бадавлат инсонлар рўйхатида тўртинчи ўринда қайд этилган. У тахминан 50 миллиард АҚШ долларига эга, деб ёзади Кун.уз сайти.
Мехикода янги аэропорт қурилиши 2015 йилнинг охирида бошланди. Лойиҳа таниқли британиялик архитектор Норман Фостернинг Слимга куёв бўлган мексикалик Фернандо Ромеро билан ҳамкорлигида ишлаб чиқилди.
Хабарларга кўра, Мехико янги аэропорти қуриб битказилгач, йилига 120 миллион кишини қабул қилиб олиши мумкин бўлади. Янги аэропорт 12,5 минг гектар майдонда барпо этилади. Янги терминал очилгач, эскиси ўз фаолиятини тўхтатади ҳамда унинг ўрнида илмий-тадқиқот ва технология марказлари, кўкаламзорлаштирилган ҳудудлар, касалхоналар, фазовий университет, шунингдек турар-жой кварталлари қурилади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди