Португалиялик 40 ёшли суперҳужумчи Криштиану Роналду АҚШ президенти Дональд Трамп билан бўлиб ўтган учрашувдан кейин ижтимоий тармоқларда махсус мурожаат қолдирди.
Футбол юлдузи ўз баёнотида президент ва унинг рафиқаси томонидан кўрсатилган диққат ва меҳмондўстликка алоҳида миннатдорлик билдирди.
«Таклиф учун, шунингдек, сиз ва биринчи хоним томонидан менга ҳамда бўлажак турмуш ўртоғим Жоржинага намоён этилган самимий эътибор учун раҳмат, жаноб президент. Ҳар бир инсон дунёга аҳамиятли бирор нарса бағишлай олади. Мен эса янги авлодларни жасорат, масъулият ва барқарор тинчликка асосланган келажак қуришга руҳлантириш орқали ўз ҳиссамни қўшишга тайёрман», — дея ёзади Роналду.
Футболчи постида учрашув ижобий руҳда ўтгани, ҳамкорлик ва илҳом манбалари ҳақида фикр билдирган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
