Ҳиндистонда ўқитувчи тайинлаган оғир жазо 12 ёшли қизча ҳаётига нуқта қўйди. NDTVнинг ёзишича, Кажал Гонд исмли ўқувчи мактабга 10 дақиқа кеч келгани учун 100 марта ўтириб-туриш машқини бажаришга мажбурланган. Жазодан кейин бели қаттиқ оғриққа тушиб, аҳволи кун давомида янада оғирлашган.
Қиз аввал Налласопарадаги шифохонага ётқизилган, кейин эса ҳолати ёмонлашгани учун Мумбайдаги касалхонага кўчирилган. Аммо шифокорлар ҳаракатларига қарамай, у даволаниш вақтида вафот этган.
Кажалнинг ота-онаси бу фожиани айнан ўқитувчи берган жазо келтириб чиқарганини айтишган. Уларга кўра, қиз 100 марта чўккалаб туриш машқини бажараётганда мактаб сумкасини елкасидан туширмаган ва бу оғриқни янада кучайтирган.
ОАВ маълумотларида ўлимнинг аниқ сабаби ҳали эълон қилинмаган. Қиз қандай ташхис билан шифохонага ётқизилгани, қанча вақт даволангани ёки аввалдан қандайдир тиббий муаммоси бўлган-бўлмагани ҳақида ҳам маълумот берилмаган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
