Wildberries компаниясининг Ўзбекистондаги шўъба корхонаси WB Int Export мамлакатда WB Taxi компаниясини рўйхатдан ўтказди. Бу ҳақда Kursiv Uzbekistan таҳририяти ёзмоқда.
WB Taxi жорий йилнинг июн ойи ўрталарида рўйхатдан ўтган. Ягона давлат рўйхатидан ўтиш маълумотларига кўра, компания такси хизматларини кўрсатишни режалаштирмоқда.
Устав фонди 500 минг сўмни ташкил қилади. Компаниянинг асосий улуши (99%) WB Int Export’га тегишли бўлиб, қолган 1% эса Wildberries ва Russ Outdoor ташқи реклама оператори бирлашуви натижасида ташкил этилган RVB МЧЖга тегишли.
Kursiv Uzbekistan қўшимча маълумот олиш учун компанияга сўров юборган. Шу номдаги такси хизматининг синов жараёнлари Беларусда ўтказилмоқда.
Бу мамлакатда хизматга оид мобил иловалар юклаб олиш учун аллақачон мавжуд. Жорий йилнинг октябрь ойида Wildberries Москва шаҳрида йўловчи ташиш бозорига киришни мўлжаллаётгани ҳақида хабарлар тарқалди.
Миш-мишларга кўра, компания Ситимобил’ни сотиб олишни режалаштирмоқда. Аввалроқ Wildberries жамоасига Россиядаги Gett ва Bibi агрегаторларининг собиқ раҳбари Анатолий Сморгонский қўшилган эди.
У WB Taxi бўлинмасини бошқаришга тайинланган.
Меҳмон гуруҳидаги фойдаланувчилар ушбу мақолага изоҳ қолдира олмайди.
